კანის 78-ე კინოფესტივალზე ჟურნალისტმა ანანო ბაკურაძემ ლეგენდარულ მსახიობს, რობერტ დე ნიროს კითხვა დაუსვა საქართველოში მიმდინარე პროცესებისა და დაპატიმრებული მსახიობის, ანდრო ჭიჭინაძის შესახებ.
„სანამ ეს ხდება, ადამიანები უნდა დადგნენ სიმართლის მხარეს, რადგან შინაგანად მათ იციან, რა არის სწორი. მაგრამ ისინი აკეთებენ იმას, რაც არასწორია.
ეს იგივეა, რომ თუ რაიმეს წყლის ზედაპირზე ჩააგდებ, ის მაღლა ამოტივტივდება. მაღლა კი სამართლიანობაა და სიცხადეა ჩემთვის. ადამიანებმა იციან რა არის საჭირო იმისთვის, რომ სწორი ნაბიჯები გადადგან.
ადამიანებმა, რომლებიც სწორად არ იქცევიან, ეს იციან. მე ვიცი, რომ მათ ეს უნდა აწუხებდეთ. ეს მოხდა საქართველოშიც, როგორც სხვა ქვეყნებში. არიან ადამიანები, რამდენიმე ტირანია, რომლებიც კონტროლს ამყარებენ სხვა დანარჩენზე. ის ადამიანები, ვინც დიქტატურაში, ავტოკრატიაში, თუ მონარქიაში არიან, ადამიანებს აქვთ უფლება მიიღონ გადაწყვეტილებები ერთად. ბევრს ამის არ სჯერა, განსაკუთრებით მაშინ, როცა მათ აქვთ ძალაუფლება ფულადი თუ პოლიტიკური, მათ ამის დათმობა არ სურთ და არ სურთ სწორი ნაბიჯების გადადგმა, რაც მეტ ძალაუფლებას მისცემდათ, თუ სწორ ნაბიჯებს გადადგამდნენ. აი, ეს არ მესმის“, – თქვა დე ნირომ სიტყვით გამოსვლისას.
შეგახსენებთ, მიმდინარე აქციებისას დაპატიმრებული მსახიობი, ანდრო ჭიჭინაძე 9 მაისს ევროპის კინოაკადემიის წევრი გახდა.
მას ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინა, რაც ჯგუფურ ძალადობაში მონაწილეობას გულისხმობს.
აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.