დღეს, თურქეთში, უკრაინასა და რუსეთს შორის მოლაპარაკებები უნდა გაიმართოს.
არსებული ინფორმაციით, უკრაინის დელეგაციის შემადგენლობაში არიან: პრეზიდენტი ვოლოდიმირ ზელენსკი, საგარეო საქმეთა მინისტრი რუსტემ უმეროვი, თავდაცვის მინისტრი რუსტემ უმეროვი, პრეზიდენტის ადმინისტრაციის ხელმძღვანელი ანდრეი ერმაკი და ვოლოდიმირ ზელენსკის მრჩეველი დიპლომატიურ საკითხებში იგორ ჟოვკვა.
რაც შეეხება რუსეთს, დელეგაციას უხელმძღვანელებს პრეზიდენტის თანაშემწე, ვლადიმირ მედინსკი.
რუსეთის დელეგაციას ასევე წარმოადგენენ საგარეო საქმეთა მინისტრის მოადგილე, მიხაილ გალუზინი, რუსეთის შეიარაღებული ძალების გენერალური შტაბის მთავარი სამმართველოს უფროსი, იგორ კოსტიუკოვი,თავდაცვის მინისტრის მოადგილე, ალექსანდერ ფომინი.
რუსეთის დელეგაციის სიაში არ წერია ვლადიმერ პუტინი.
რუსული მედიის ინფორმაციით, რუსეთის დელეგაცია უკრაინასთან მოლაპარაკებებისთვის სტამბოლში უკვე ჩავიდა.
როგორც მედია წერს, რუსეთისა და უკრაინის დელეგაციებს შორის მოლაპარაკებები, სავარაუდოდ, ადგილობრივი დროით 10:00 საათზე, თბილისის დროით კი 11:00 საათზე დაიწყება.
რაც შეეხება აშშ-ის პრეზიდენტ, დონალდ ტრამპს, ის მოლაპარაკებებში მონაწილეობას არ მიიღებს და თურქეთში არ ჩავა, თუმცა როგორც Reuters-ი წერს, ტრამპი სტამბოლში მოლაპარაკებებისთვის სპეციალურ წარმომადგენლებს, სტივ უიტკოფსა და კით კელოგს გაგზავნის. გარდა ამისა, ტრამპის თქმით, მოლაპარაკებებს სახელმწიფო მდივანი მარკო რუბიოც დაესწრება.
შეგახსენებთ, რომ უკრაინის პრეზიდენტი, ვოლოდიმირ ზელენსკიმ პუტინს 30-დღიანი ცეცხლის შეწყვეტა შესთავა, რომელსაც მხარს უჭერს როგორც ევროპელი ლიდერები, ასევე აშშ-ის პრეზიდენტი.
ზელენსკის ინიციატივას გამოეხმაურა ვლადიმერ პუტინი, რომელმაც თქვა, რომ უკრაინის პრეზიდენტს თურქეთში სალაპარაკოდ იწვევდა, თუმცა ყველანაირი წინაპირობების გარეშე. ზელენკიმ ამის საპასუხოდ განაცხადა, რომ 15 მაისს, თურქეთში, ის პირადად დაელოდება პუტინს.