„ციხესთან მზია ამაღლობელის სოლიდარობის აქციიდან წამოსულს ,მთელი გზაა ბრაზი მახრჩობს.
ვიღაც ლაწირაკი პოლიციელის აწითლებული ლოყის გამო ,ციხეში რომ გამოამწყვდიეს თავისუფალი ჟურნალისტი და იგივე ხალხს ,ვინც მზიას დაჭერას უპრავებს ბიძინას რეჟიმს, სულ არ აწუხებს ,რა თავდასხმაც მოუწყო ტვ ,,პირველის ,, ჟურნალისტსა და ოპერატორს, თანამდებობიდან გაპანღურებული ჩინოვნიკის მამამ.
ამიტომ აღარ მაქვს ქოცების ატანა, ამ მონობის, ამ სიბრმავისა და ყველაფრის გამპრავებლობის გამო!
რაც შეიძლება მალე უნდა დავასრულოთ თავგასული ქოცების თარეში ამ ქვეყანაში,სხვანაირად ცხოვრება ვეღარასოდეს გახდება ნორმალური და სამართლიანი.
ნუკრი ქაფიაშვილი და მარიამ მაკასარაშვილი სოლიდარობა და მხარდაჭერა თქვენ ,ჩემო ახალგაზრდა კოლეგებო. მხნედ და მედგრად!“, – აღნიშნავს ჟურნალისტი ინგა გრიგოლია.
შეგახსენებთ, „ბათუმელებისა“ და „ნეტგაზეთის“ დამფუძნებელს, მზია ამაღლობელს ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მას 4-დან 7 წლამდე პატიმრობა ემუქრება.
რაც შეეხება „ტვ პირველის“ ჟურნალისტ მარიამ მაკასარაშვილს, მისი თქმით, მასზე ქვემო ქართლში სახელმწიფო რწმუნებულის ყოფილი პირველი მოადგილის, გიორგი შინჯიკაშვილის მამამ იძალადა.