გუშინდელი აქციის ერთ-ერთი მონაწილე დემონსტრაციაზე საქართველოს მესამე პრეზიდენტის, მიხეილ სააკაშვილის სურათით მივიდა, რასაც აქციის სხვა მონაწილეების უკმაყოფილება მოჰყვა. უკმაყოფილება დაპირისპირებაში გადაიზარდა და მოქალაქეს, რომელსაც სააკაშვილის სურათი ეჭირა, თავს დაესხნენ.
აღნიშნულს სოციალური ქსელით ჟურნალისტი ნანუკა ჟორჟოლიანი გამოეხმაურა. ის აქტივისტ გოჩა ჭანტურიას მიმართავს.
„მემარცხენე რას ნიშნავს? თანასწორობას არა?
აა საქართველოში ნიშნავს იბრძოდე იმ ადამიანების თანასწორობისთვის, რომელიც შენ გევასება, თორემ თუ განსხვავებული პოლიტიკური მოსაზრება აქვს უნდა მიხვიდე და თავს დაესხა.
Gota Chanturia ეს ვერიფიკაცია რომ გიყიდია აქ, უნდა იცოდე რომ გუშინ შენი დაბადების დღე არ ყოფილა და შენთან სტუმრად არავინ მოსულა.
არც რუსთაველია შენი.
ბიძინასაც ეგრე გონია, რომ ეს ქვეყანა მისი ბოსტანია, ვისაც უნდა აკრძალავს და ვისაც უნდა მისცემს არსებობის უფლებას.
ყოფილ ხელისუფლებას ალბათ სამართლიანად საყვედურობ განსხვავებული აზრის დევნისთვის თავის დროზე და შენ რას აკეთებ? თან ხელისუფლების და მილიარდების გარეშე.
გულწრფელად მეგონა რომ ნებისმიერი დაჩაგრული ადამიანი რომ დაგენახა, ხაზს ვუსვამ, ნებისმიერი, აუცილებლად დაიცავდი და მჩაგვრელის როლში შენ თუ დაგინახავდი ნამდვილად არ მეგონა
ყოჩაღ. მოერიეთ სამი ერთს“, – წერს ის.
შეგახსენებთ, გუშინ საქართველოში ევროპის დღეს მასშტაბური აქციით აღინიშნა.