“ჯერ ერთი, რომ ჩემი ფეხი არის მყარი, მინდა რომ დაწყნარდეს”, – ასე უპასუხა საქართველოს მეხუთე პრეზიდენტმა სალომე ზურაბიშვილმა პრემიერ-მინისტრ ირაკლი კობახიძეს, რომელმაც დღეს, 26 მაისთან დაკავშირებით გაკეთებული განცხადებისას ზურაბიშვილიც და ოპოზიციაც გააფრთხილა, რომ „ფეხი არ დაუცდეთ“.
მისი თქმით, “ვიღაც კობახიძეები არიან გარდამავალები.”
“ეს დამოუკიდებლობა არასოდეს არ არის მოცემული სამუდამოდ. ჩვენ ვიცით, წინა თაობებმა რამდენი იბრძოლეს და რამდენი მართლაც ეროვნული გმირი არის იმის მომტანი, რასაც ჰქვია დამოუკიდებლობა და თავისუფლება. და ჩვენ ყველანი ვართ ვალდებული ვიდგეთ ამ დამოუკიდებლობის გვერდით და დასაცავად და ის დღე, 26 მაისი არის ერთადერთი დღე, როცა ყველა ერთად უნდა დავდგეთ და დავანახოთ ერთმანეთს, “ქართულ ოცნებას”, მსოფლიოს, რომ საქართველო თავის დამოუკიდებლობას ყოველთვის დაიცავს…
არ აქვს მნიშვნელობა, რა მნიშვნელობა აქვს, დაივიწყეთ, რაც მნიშვნელოვანია აქ რაც ხდება, რაც მნიშვნელოვანია ეს პატიმრების მშობლები და მათი შემართება. ეს არის ქართული სული, რომელიც არ ტყდება და ვიღაც კობახიძეები არიან გარდამავალები”-თქვა ზურაბიშვილმა “ფორმულას” პირდაპირ ეთერში, ევროპის მოედანზე, სადაც ევროპის დღეს აღნიშნავენ.