reuters-ის ცნობით, რომის ახალარჩეული ამერიკელი პაპი, ლეო XIV, X-ზე რესპუბლიკუrი პარტიის ლიდერებსა და მათ პოლიტიკას აკრიტიკებდა.
თებერვალში, მან გამოაქვეყნა სტატია სათაურით – „ჯ.დ. ვენსი ცდება: იესო არ გვთხოვს სხვებისადმი ჩვენი სიყვარულის შეფასებას“.
ასევე, როცა აშშ-ის პრეზიდენტი, დონალდ ტრამპი სალვადორის ლიდერს, ნაიბ ბუკელეს შეხვდა, რათა განეხილათ აშშ-დან ჩამოსული სავარაუდო ბანდის წევრების დასაკავებლად ციხის გამოყენების შესაძლებლობა, სადაც, სავარაუდოდ, ადამიანის უფლებები ირღვეოდა, პრევოსტმა გაავრცელა განცხადება, სადაც ეწერა: „ვერ ხედავთ ტანჯვას? ნუთუ სინდისი არ გაწუხებთ?“
აღსანიშნავია, რომ „დიდი პატივია ამერიკელი პაპის მასპინძლობა“, – ასე უპასუხა ტრამპმა კითხვას – „შეხვდებოდა თუ არა ლეო XIV-ს?“
ამასთან, ტრამპმა ლეო XIV-ს პაპად არჩევა გუშინვე მიულოცა – „ვულოცავ კარდინალ პრევოსტს, დიდი პატივია იმის გაცნობიერება, რომ ის პირველი ამერიკელი პაპია, როგორი ამაღელვებელი და დიდი პატივია ჩვენი ქვეყნისთვის, მოუთმენლად ველოდები მასთან შეხვედრას.“
შეგახსენებთ, კარდინალებმა ახალი პაპი გუშინ აირჩიეს. ლეო XIV-ს წინამორბედი, ფრანცისკე, 21 აპრილს გარდაიცვალა.