“დიფსთეითი საერთოდ არ ვიცი რა არის” – ასე პასუხობს ბათუმის პოლიციის უფროსი ირაკლი დგებუაძე ადვოკატის შეკითხვას მზია ამაღლობელის სასამართლო პროცესზე.
ირაკლი დგებუაძეს ადვოკატმა მაია მწარიაშვილმა ბრალდების დადგენილების ჩანაწერზე ჰკითხა, სადაც მისი თქმით, სილის გაწვნის მოტივი შურისძიებას უკავშირდება.
მწარიაშვილი: რას უკავშირდება ეს შურისძიება?
დგებუაძე: პოლიტიკურ განცხადებას მე ვერ გავაკეთებ, მაგრამ ჩემი პირადი აზრია, რომ დარტყმის მომენტამდე აქციას ნელ-ნელა ხალხი აკლდებოდა, პოლიციელების გადაწყვეტილებები, რომლებიც ჩვენ მივიღეთ თუნდაც ხალხის გათავისუფლების ხელწერილით და ა.შ. ამ ქმედებებმა გამოიწვია დადებითი მუხტი იქ შეკრებილ აქციის წევრებში და გარკვეულმა ნაწილმა გაიაზრა, რომ ტყუილად აპროტესტებდა იმ ვიღაცა გოგონას დაკავებას, ის მუხტი, რომელიც სჭირდებოდათ გარკვეულ ორგანიზატორებს, ასე რომ ვთქვათ ჩაეშვა, ჩემი აზრით, ერთ-ერთი გაღიზიანების მომენტი სწორედ ის იყო, რომ იმ ორგანიზატორების განზრახვა რაც იყო ისე ვერ წაიყვანეს და მათი გეგმები, ასე რომ ვთქვათ ჩაიშალა. მეორე ის, რომ ალბათ მიიჩნევდა, რომელიმე ადამიანი უკანონოდ გვყავდა დაკავებული – შურისძიება ჰქვია ხო მაგას…
მაია მწარიაშვილი: თქვენ რაც თქვით, ის შურისძიება არ არის ეს ამბსოლუტურად – ვიღაცებს, ვიღაცას, რაღაც – “დიფ სთეითზე” არ ვსაუბრობთ ახლა.
დგებუაძე: – “დიფ სთეითი” საერთოდ არ ვიცი რა არის. (ტექსტი:ტაბულა)