ჟურნალისტი სოფო ნიკოლაიშვილი “ფეისბუქის” პირად გვერდზე საკუთარი ჯანმრთელობის მდგომარეობის შესახებ წერს. როგორც ჟურნალისტი აღნიშნავს, მიუხედავად იმისა, რომ მძიმე სენთან ბრძოლის გამო, რთული დღეები გამოიარა, ვაქცინის გაკეთებაზე უარი არ უთქვამს.
“მოკლედ, 2013-ში დამისვეს კიბოს დიაგნოზი საკმაოდ აგრესიული ფორმა, თუმცა, საწყისი იყო და ამჟამად ცოცხალი ვარ… აღარ დავწერ ქიმიოთერაპიის და დასხივების შედეგების შესახებ, აღარ დავწერ მთელი რიგი ფსიქოლოგიური რღვევის შესახებ, რომელიც ამ გზაზე მივიღე და…!!! მიუხედავად იმისა, რომ მე ძლივს გადარჩენილს, ან საბოლოოდ ვერგადარჩენილს, ყველაზე მეტად უნდა მეშინოდეს ნაბრძოლი სიცოცხლის დაკარგვის, ყველანაირი გართულების, ვინაიდან, ვეღარ გადავიტან იმას რაც გამოვიარე, აი, ასეთ მეს ერთხელაც არ მიფიქრია, რომ კოვიდ ვაქცინაზე უარი მეთქვა! ხალხო! დავიჯერო ჩემზე მეტი შიშები გაქვთ?! ავიცერი ორჯერ და დავიბუსტები კიდეც უფლება რომ მომცენ! რა გვჭირს ეს რა უბედურებაა? საზოგადოება, სადაც ინდივიდი საკუთარ ჯანმრთელობაზეც კი არ იღებს პასუხისმგებლობას და მუდმივად ყველაფერზე ამ პასუხისმგებლობას სხვას კიდებს-ხელუსუფლებას! ოპოზიციას! ჟურნალისტებს! ღმერთს! ოღონდ საკუთარ თავს არა!.. ახლაც ეძებს მესიას ვინც გადაარჩენს! ნუ, აი, წარმოუდგენელია! ….”, – წერს ჟურნალისტი სოციალურ ქსელში.