ფეხბურთის ფრანგმა ლეგენდამ, ტიერი ანრიმ CBS Sports Golazo-ს ეთერში „პსჟ“-სა და „არსენალის“ გუშინდელი შეხვედრა შეაფასა.
მან პარიზელთა ქართველი ვარსკვლავის, ხვიჩა კვარაცხელიას შესახებაც ისაუბრა.
„როდესაც ხედავ კვარაცხელიას როგორ დარბის ბურთის გარეშე, ეს, უბრალოდ, შესანიშნავია. რაც მან შეხვედრის მიწურულს გააკეთა, ეს, უბრალოდ, გასაოცარი იყო. როდესაც გუნდი ორი ბურთის უპირატესობით იგებს, არ ცდილობს, რომ ვარსკვლავი იყოს. როცა თავისუფალ სივრცეში ბურთი მიიღო, გაიქცა და კუთხურის ალამთან მიიტანა. ამით რამდენიმე წუთი გაიყვანა. ეს გააკეთა იმიტომ, რომ იცოდა, ეს იყო საჭირო გუნდის ფინალში გასასვლელად“, – თქვა ანრიმ.
შეგახსენებთ, პარიზელებმა ჩემპიონთა ლიგის ნახევარფინალში ლონდონის „არსენალი“ ორი მატჩის ჯამში 3:1 დაამარცხეს და ფინალში გავიდნენ.
გუშინდელ, განმეორებით შეხვედრაში, ხვიჩა კვარაცხელია „პსჟ“-ის ძირითად შემადგენლობაში იყო.
მან, Sofascore-ის მიხედვით, 7.2 შეფასება მიიღო.