გუშინ რესპუბლიკელმა კონგრესმენმა, ჯო უილსონმა გამოაქვეყნა სია, რომელიც „MEGOBARI აქტით“ გათვალისწინებულ პირებს მოიცავს.
მათ შორის არის „ქართული ოცნების“ წევრი, „Pos Tv“-ის მფლობელი ვიქტორ ჯაფარიძე.
ზემოაღნიშნულ საკითხზე ჯაფარიძემ დღეს მედიასთან კომენტარი გააკეთა.
„უილსონისნაირი მექრთამეებისგან არაფერს არ ველოდები… თქვენი უბედურება ეგაა, თქვენ არ გაინტერესებთ ქართველი ხალხი რას ფიქრობს თქვენზე, თქვენ გაინტერესებთ სხვაგან რას ფიქრობენ. ჩემზე რას ფიქრობენ იცი? რომ პარლამენტის წევრი ვარ. რომ არ ფიქრობდნენ, მაშინ არ ვიქნები პარლამენტის წევრი. მოიხედე, მთავარი სტრატეგიული პარტნიორი ჩვენი, არის ქართველი ხალხი. ჯო უილსონს ვეტყოდი, რომ თავის ქვეყანას და თავის საქმეს მიხედოს…ვერ ამოვხსენი [რატომ ვარ დასასანქცირებელთა სიაში]“, – თქვა ჯაფარიძემ.