საქართველოს მეხუთე პრეზიდენტმა, სალომე ზურაბიშვილმა ბრიფინგი ჩაატარა, სადაც დამოუკიდებლობის დღეს – 26 მაისს – დაგეგმილი ქმედების შესახებ ისაუბრა.
„გუშინ მქონდა ძალიან მნიშვნელოვანი შეხვედრა, სადაც ყველამ, ვინც იყო, გადავწყვიტეთ ერთად, რომ ჩვენ ჩავიბაროთ 26 მაისი. ჩავიბაროთ 26 მაისი ნიშნავს, რომ ყველა ერთად – პარტიები, საზოგადოება, არასამთავრობოები, სხვადასხვა საზოგადოებრივი სეგმენტის წარმომადგენლები, ბიზნესი იქნება ეს თუ კულტურა, ყველა ერთად – ყველა საქართველოს მოქალაქე ჩავიბარებთ 26 მაისს, რადგან 26 მაისი ჩვენია. 26 მაისი არის სიმბოლო დამოუკიდებლობის და დღეს საქართველოში დამოუკიდებლობა გადასარჩენია. ჩვენ გადავარჩენთ დამოუკიდებლობას, გადავარჩენთ ქვეყანას. ამისთვის ყველანი ერთად, ჯერ 9 მაისს, შემდეგ კი 26 მაისს“, – თქვა მან.
ამასთან, აღნიშნულ ბრიფინგზე ზურაბიშვილი აშშ-ის წარმომადგენელთა პალატის მიერ „MEGOBARI აქტის“ მხარდაჭერას გამოეხმაურა. ამის შესახებ წაიკითხეთ ბმულზე.