პატიმრობაში მყოფი ბიზნესმენის, გიორგი ჩიკვაიძის Facebook გვერდზე ვრცელდება წერილი, რომელშიც ნათქვამია, რომ მან ჰელსინკის კომისიას გადასცა დოკუმენტაცია, რომელიც ამხელს რუსული და ქართული სპეცსამსახურების ერთობლივ ოპერაციას ამერიკელი მაღალჩინოსნების გადმოსაბირებლად.
“მეგობრებო, დღეს ჩემი წარმომადგენლების მეშვეობით ჰელსინკის კომისიას გადავეცი დოკუმენტაცია, რომელიც ამხელს რუსული და ქართული სპეცსამსახურების ერთობლივ ოპერაციას ამერიკელი მაღალჩინოსნების გადმოსაბირებლად”- ნათქვამია პატიმრობაში მყოფი ბიზნესმენის, გიორგი ჩიკვაიძის წერილში, რომელიც მისივე Facebook გვერდზე ვრცელდება.
შეგახსენებთ, რომ გიორგი ჩიკვაიძე სასამართლო დარბაზში 11 მარტს დააკავეს. მოსამართლე იზა კელენჯერიძემ პროკურატურის მოთხოვნა დააკმაყოფილა და მას აღკვეთის ღონისძიება გირაო, პატიმრობით შეუცვალა. მას დიდი ოდენობით თანხების თაღლითურად დაუფლებას ედავებიან.