ჟურნალისტი თამარ ჩერგოლეიშვილი “ფეისბუქის” პირად გვერდზე წერს:
“ნეტავ, ის ხალხი რომელ ქვეყანაში ცხოვრობდა აქამდე, საპატრიარქოს პოზიცია რომ უკვირს სააკაშვილზე?
საერთოდ რატომ შეიძლება ვინმეს, გარდა პუტინის რუსეთისა და პუტინისტი ბოროტმოქმედებისა, ჰქონდეს ამ ორგანიზაციის იმედი?
როგორ შეიძლება 50 ადამიანის ჩასაქოლად ხალხმრავალ ბრბოს აორგანიზებდე და თან ადამიანი გადარდებდეს?
როგორ შეიძლება 17 მაისის და 5 ივლისის შემდეგ, ვინმეს ილუზია ჰქონოდა, რომ ამ ადამიანებს ქრისტესთან საერთო აქვთ?
არ დაუყაროთო ღორებს მარგალიტები – წერია გასაგებად!” – წერს ჩერგოლეიშვილი სოციალურ ქსელში, პოსტის კომენტარებში კი დასძენს: – “ბიძინა პატრიარქს ლანძღავდა” – ამით ცდილობდნენ პატრიარქის გულის მოგებას ისინი, ვინც დღეს ისტერიკაში არიან საპატრიარქოს პოზიციის გამო.
მართლა ვერ ვხვდები რისი იმედი ჰქონდათ, ანუ რატომ გგონია, გეის რომ ქოლავს, ის შენ არ ჩაგქოლავს?”
ცნობისთვის, გუშინ, მეუფე შიო (მუჯირი) საკვირაო ქადაგებისას აღნიშნა, რომ ბოროტება ზოგჯერ სამართლიანი სასჯელითაც უნდა აღვკვეთოთ და შევაჩეროთ. მისივე განცხადებით, სახარებაში არ წერია, რომ ყველაფრის პატიება შესაძლებელია.