ჟურნალისტი ნანა საჯაია დღეს ნანუკა ჟორჟოლიანის სახლში ჩატარებულ ჩხრეკას ეხმიანება.
,,ნუ გიხარიათ, ნურც “მთავარი” არხის დახურვა და ნურც “კუდის ყოფილი უფროსის ყოფილი ცოლის” ჩხრეკა. ადრე თუ გვიან, თქვენს კარებზეც დააკაკუნებენ და არავინ იქნება თქვენთან მომსვლელი. მოვა მხოლოდ “პოსტ ტვ”-ის კამერა, რომელმაც “ხალხის მტრად” უნდა გაჩვენოთ.
და იქნება ძალიან, ძალიან გვიანი.
ასე მუშაობს დიქტატურა”- წერს ნანა საჯაია.
ცნობისთვის, დღეს დილიდან ჟურნალისტის, „ნანუკას ფონდის“ დამფუძნებლის, ნანუკა ჟორჟოლიანის, ასევე სამოქალაქო აქტივისტ მარიამ ბაჯელიძისა და „ადამიანის უფლებათა ცენტრის“ დირექტორის, ალეკო ცქიტიშვილის საცხოვრებელ ბინებში ჩხრეკა ჩატარდა.