კალიფორნიაში, ჯგუფური მკვლელობის საქმის რთ-ერთი მონაწილე, რომელმაც ბიზნესმენ ალექსი მოდებაძის მკვლელობას ედავებიან, ყოფილი სპეცრაზმელი, ბესიკ ხუციშვილია – ინფორმაციას ტვ პირველი ავრცელებს.
ხუციშვილმა შსს 5 წლის წინ დატოვა. ის გდდ-ში მუშაობდა, თუმცა 5 წლის წინ, ამერიკაში წავიდა და ტაქსის მძღოლად მუშაობდა.
52 წლის ბესიკ ხუციშვილს გამოძიება ჯგუფურად ჩადენილ განზრახ მკვლელობას და ძარცვას ედავება. ხუციშვილთან ერთად დაკავებულები არიან პაატა ყოჩიაშვილი და ზაზა ოთარაშვილი. არსებული ინფორმაციით, ყველა მათგანი შსს-ს ყოფილი თანამშრომელია და ამერიკაში მოკლულ ბიზნესმენთან მუშაობდნენ.
ცნობისთვის, ლოს-ანჯელესში საქართველოს 47 წლის მოქალაქის მკვლელობისთვის 3 ქართველი დააკავეს.