გორში, სავაჭრო ცენტრ „გალერეაში”, სადცა დღეს მკვლელობა მოხდა, თვითმხილველები დეტალებს ჰყვებიან.
როგორც თვითმხილველები აცხადებენ, სროლა მაღაზიაში შელაპარაკებას მოჰყვა. მათივე ცნობით, რამდენიმე გასროლა მოხდა იმ დროს, როდესაც სავაჭრო ცენტრში მომხმარებლებიც იმყოფებოდნენ.
„პრაიმტაიმს“ გიორგის კლასელი ესაუბრა.
„ცოლ-შვილი დარჩა, ყველა შოკში ვართ. უკარგესი ადამიანი იყო, ძალიან ხუმარა. არავისთან არასდროს ჰქონია კონფლიქტი“.
გიორგის მამის გარდაცვალების ფაქტს ეხმაურებიან მისი ახლობლები და წერენ:
„ბედნიერი წავიდა რომ მისი ერთადერთი შვილის სიკვდილი ვერ გაიგო“ „ეს რა დილა გათენდა, ვერ ვიჯერებ, რომ ასეთი უკარგესი ადამიანები აღარ გვყავს“
ცნობისთვის, შემთხვევა დღეს, 28 აპრილს, წმინდაწყლის უბანში მოხდა. როგორც „პრაიმტაიმს“ შინაგან საქმეთა სამინისტროში უთხრეს, ფაქტზე გამოძიება 19-109-ე მუხლით დაიწყო, რაც ორი ან მეტი პირის განზრახ მკვლელობას გულისხმობს.