დღეს, 28 აპრილს “მთავარი არხის“ თანამშრომლებმა ოფიციალური შეტყობინება მიიღეს, რომლის მიხედვითაც, 1 მაისიდან არხის მაუწყებლობა სრულად შეწყდება.
“მთავარი არხის” მაუწყებლობის შეჩერებას ეხმიანებიან არხის თანამშრომლებიც.
“ჩემი და მთავარი არხი • Mtavari Arkhiს თანაცხოვრება დასრულებულია და გული ძალიან მწყდება,რომ ამ ყველაფერს ამ ფორმით იგებს ყველა“, – წერს თათია წოწონავა.
არხის დახურვას გამოეხმაურა “კოალიცია ცვლილებისთვის” ლიდერი ნიკა გვარამია, რომელმაც დაწერა, რომ “დაიხურება “მთავარი არხი”, გაიხსნება ახალი. სხვანაირად არ და ვერ იქნება, მჯერა და ვიცი”.
შეგახსენებთ, 15 თებერვალს გახდა ცნობილი, რომ არხის თანადამფუძნებელი, ზაზა ოქუაშვილი “მთავარ არხს აჩერებდა”.