აშშ-ის პრეზიდენტმა დონალდ ტრამპმა და უკრაინის პრეზიდენტმა ვოლოდიმირ ზელენსკიმ დღეს, რომში პაპ ფრანცისკეს დაკრძალვამდე, ხანმოკლე შეხვედრა გამართეს, – ინფორმაციას უკრაინული მედია პრეზიდენტის პრესსპიკერზე, სერგეი ნიკიფოროვზე დაყრდნობით ავრცელებს.
“კარგი შეხვედრა იყო. ერთი-ერთზე განვიხილეთ ბევრი საკითხი. ვიმედოვნებთ, რომ ყველაფერი, რაც ითქვა, შედეგიანი იქნება. ჩვენი ხალხის სიცოცხლის დაცვა. სრული და უპირობო ცეცხლის შეწყვეტა. საიმედო და ხანგრძლივი მშვიდობა, რომელიც ომის განმეორებისგან დაგვიცავს. ძალიან სიმბოლური შეხვედრა იყო, რომელსაც აქვს პოტენციალი, ისტორიული გახდეს, თუ საერთო შედეგებს მივაღწევთ. გმადლობთ, პრეზიდენტო დონალდ ტრამპ!“- რომში აშშ-ის პრეზიდენტთან გამართულ შეხვედრას ვოლოდიმირ ზელენსკი გამოეხმაურა.