ასე იქცევიან ძლიერები, ასე იქცევიან უშიშრები, ასე იქცევიან პატრიოტები. ზელენსკი არის მსოფლიოს ყველაზე მნიშვნელოვანი პოლიტიკოსი, – ამის შესახებ “კოალიცია ცვლილებისთვის” ლიდერი, ნიკა გვარამია სოციალურ ქსელში წერს.
“ასე იქცევიან ძლიერები. ასე იქცევიან უშიშრები. ასე იქცევიან პატრიოტები.
ზელენსკი არის მსოფლიოს ყველაზე მნიშვნელოვანი პოლიტიკოსი.კაბინეტი – ოვალური, კვადრატული თუ მართკუთხა, თეთრი, მწვანე თუ ყვითელი, ისტორიისთვის უმნიშვნელო დეტალია, არაფრის განმსაზღვრელი. არც ქვეყნის ეკონომიკის სიდიდე, შეიარაღების დაფინანსების ოდენობა და, წარმოიდგინეთ, პოლიტიკური გავლენაც. ყველაფერი წარმავალია, ისტორია იმახსოვრებს ცვლილებების ავტორ გმირებს. ეგეთი ზელენსკია, დანარჩენი “პოტიკია” (როგორც ჩემი მეგრელი ბიძა იტყოდა) ან სულაც უარესი.
უკრაინის საგარეო საქმეთა სამინისტრომ გამოაცხადა სამი პრინციპული პოზიცია მშვიდობის გეგმასთან დაკავშირებით:
▪️უკრაინა არასოდეს აღიარებს ყირიმს ან თავისი ტერიტორიის სხვა ნაწილს რუსეთის ნაწილად;
▪️იგი არ დათანხმდება თავისი შეიარაღებული ძალებისა და თავდაცვის ინდუსტრიის შეზღუდვას, ასევე პარტნიორებისგან სამხედრო დახმარების შეზღუდვას;
▪️არც ერთ მესამე ქვეყანას არ აქვს უფლება, ვეტო დაადოს უკრაინის მიერ ალიანსებისა და მოკავშირეობის არჩევანს.” – დაწერა გვარამიამ.