ბიზნესმენი ფადი ასლი “ფეისბუქის” პირად გვერდზე ქვეყანაში მიმდინარე პროცესებთან დაკავშირებით წერს:
„ვფიქრობ, მიხეილ სააკაშვილი ციხიდან უნდა გათავისუფლდეს.
ვფიქრობ, რომ ყველა ის პატიმარი, რომელთა დაპატიმრებასაც პოლიტიკური სარჩული უდევს, ასევე უნდა გათავისუფლდეს.
ვფიქრობ, რომ ყოფილი მთავრობის მაღალჩინოსნებს, რომლებსაც ბრალი წარედგინათ და პატიმრობა მიესაჯათ, ამნისტია უნდა შეეხოთ.
ვფიქრობ, რომ ყოფილი მთავრობის იმ მაღალჩინოსნებს, რომლებიც გადასახლებულნი არიან, საქართველოში დაბრუნების უფლება უნდა მიეცეთ.
ვფიქრობ, რომ ყველა ოპოზიციური ჟურნალისტი და მედიის მფლობელნი, რომლებსაც ბრალი აქვთ წარდგენილი, ბრალი უნდა მოეხსნათ.
ვფიქრობ, რომ ოპოზიციურად განწყობილი ბიზნესის მფლობელებს, რომლებსაც ქონება ან ბიზნესები ჩამოერთვათ ამ მთავრობის მიერ, უნდა დაუბრუნდეთ მათი ბიზნესები და ქონება.
ვფიქრობ, რომ ამ მთავრობის ყველა მაღალჩინოსანს უნდა შეეხოს ამნისტია იმ დანაშაულებებზე, რომლებიც შესაძლოა ჩაიდინეს.
ვფიქრობ, რომ გულწრფელი ეროვნული შერიგება საქართველოში, იხსნის ქვეყანას რეგრესისგან.
მაგრამ ასევე ვფიქრობ, რომ ბიძინა ივანიშვილი სიძულვილით შეპყრობილი, ვიწრო მსოფლმხედველობისა და ვიწრო აზროვნებისაა, რომ ეს გააცნობიეროს და იმოქმედოს ხალხისა და ქვეყნის ინტერესების დასაცავად“, – დაწერა ფადი ასლიმ სოციალურ ქსელში.
https://mix.metronome.ge/22263-2/