“ამ დროისთვის უკეთესად ვარ და მტრების ჯინაზე უფრო უკეთესად ვიქნები. დაჟეჟილობები მაქვს გულმკერდის არეში და ტვინის შერყევა მაქვს. პასუხები არ არის ბოლომდე მოსული. საბოლოო პასუხების მოლოდინში ვარ, მაგრამ უკეთესად ვარ. ასთმა მაქვს, შეტევა დამემართა და ნელ-ნელა გამოვდივარ მდგომარეობიდან.
ეგ ადამიანი ყოველ შეკრებაზე გამოირჩევა აგრესიით და ამას აკეთებენ იმიტომ, რომ რაც შეიძლება მეტად დაგვაშინონ. ეს არ გამოსდით და ძალიან კარგად ხედავენ და დასაშინებელი არაფერი არ გვაქვს იმიტომ, რომ რა ნამუსით უნდა შეგვეშინდეს და რა ნამუსით უნდა შეგვრცხვეს, როცა 52 ბიჭი ციხეშია გამომწყვდეული. ძალიან ბევრი ადამიანია დაზარალებული, ვინც დღემდე აგრძელებს ბრძოლას”-თბილისის საქალაქო სასამართლოს მანდატურის სამსახურის მიერ ძალის გამოყენების შედეგად დაშავებულმა აქტივისტმა გურამ ღონღაძემ კომენტარი ტვ პირველთან გააკეთა.