🎥 ჩვენი შვილების სიკვდილ-სიცოცხლის საკითხია, აუცილებლად მივყვები ბოლომდე“ – რას აცხადებს ანა დოლიძე?

პარტია „ხალხისთვის“ ლიდერი, ანა დოლიძე სოციალური ქსელით რძესთან დაკავშირებულ სკანდალურ ამბავს გამოეხმაურა.

დოლიძის თქმით, ეს საკითხი მისთვის არ დასრულებულა, ეს შვილების სიკვდილ-სიცოცხლის საქმეა და მას ბოლომდე მიყვება.

„მინდა შევეხო რძის საკითხის, რომელიც ჩაიხურა. ეს საკითხი დასრულდა?! არ დასრულებულა. რაიმე სიმართლე გავიგეთ?! ვერაფერი ვერ გავიგეთ. ბოლო-ბოლო ეს ჩვენი რძე მოწამლულია, თუ არ არის მოწამლული?! სავარაუდოდ, სურსათის უვნებლობის სამსახური არ იყო გაფრთხილებული, როდესაც გამოაცხადა რძეში სიცოცხლისთვის საშიში ნივთიერების არსებობა, რასაც მოყვა საზოგადოების აღშფოთება. მეორე დღეს კი გამოვიდნენ და განაცხადეს, რომ ყველაფერი რიგზეაო. ეს არის ჩვენი შვილების სიკვდილ-სიცოცხლის საკითხი. ეს არის თემა, რომელსაც სჭირდება თვალ-ყურის მიდევნება. თუ საუბარია საგამოძიებო კომისიის მოწყობაზე, ამ თემაზე უნდა მოეწყოს საგამოძიებო კომისია. ნამახვანზე, შოვზე, ორივე საკითხზე ვითხოვდი საგამოძიებო კომისიას, რათა დაგვედგინა სიმართლე, თუმცა იქაც ვერაფერი ვერ გავიგეთ. არაფერი არ გამოსწორებულა და ისევ ისეა ყველაფერი დატოვებული. რძის საკითხი ჩემთვის, როგორც მშობლისთვის არ დასრულებულა, აუცილებლად მივყვები ბოლომდე“, – განაცხადა ანა დოლიძემ.

შეგახსენებთ, „რადიო თავისუფლების“ ჟურნალისტური გამოძიების თანახმად, 2018 წელს „ყვარლის ბაგამ“ „ჩირინასგან“ დაახლოებით 2 700 ტონა ქათმის ნედლი, გადაუმუშავებელი ნაკელი შეიძინა.

გამოძიების ცნობით, ერთი წლის თავზე, „ყვარლის ბაგამ“ განაცხადა, რომ „ჩირინაში“ ნაყიდმა სკინტლმა, რომელსაც ძროხებს აჭმევდა, საქონელი დაუხოცა და 1.65 მილიონი ლარის ზარალი მიიღო, ხოლო „ჩირინამ“ უპასუხა, რომ ქათმის ნაკელს სასუქად ყიდდა და არა – საკვებად.

„ყვარლის ბაგამ“ სასამართლო დავა მოუგო „ჩირინას“ („ბიუ-ბიუ“), რომელსაც 4.7 მილიონის გადახდა დაეკისრა.