დროებით საგამოძიებო კომისიაზე არგამოცხადების გამო, კოალიცია “ერთიანობა-ნაციონალური მოძრაობის” ერთ-ერთ ლიდერს გიორგი ვაშაძეს პროკურატურამ ბრალი წარუდგინა.
გიორგი ვაშაძის აღკვეთის ღონისძიებაზე სასამართლო ხვალ იმსჯელებს.
გიორგი ვაშაძეს ბრალი თბილისის პროკურატურაში გააცნეს. მას მედიასთან კომენტარი არ გაუკეთებია.
კომისიაზე არ გამოცხადების გამო აღკვეთის ღონისძიებად გირაო შეფარდებული აქვს ოპოზიციის არაერთ ლიდერს, მათ შორის ნიკა გვარამიას, ზურაბ გირჩი ჯაფარიძეს, ირაკლი ოქრუაშვილს, მამუკა ხაზარაძესა და ბადრი ჯაფარიძეს. ოპოზიციის წარმომადგენლები აცხადებენ, რომ ისინი გირაოს გადახდას არ აპირებენ.