საქართველოს პარლამენტში შესულია საკანონმდებლო წინადადება, რომლის მიხედვით, ყველა უმაღლეს სასწავლებელში, სახელმწიფოშიც და კერძოშიც, ბაკალავრიატის საფეხურზე, ქართული ენის სწავლება სავალდებულო უნდა გახდეს.
“14 აპრილს განვიხილეთ საკანონმდებლო წინადადება, რომელსაც მხარი დავუჭირეთ, რომ 2025 წლის 1 სექტემბრიდან სავალდებულო გახდეს უმაღლეს სასწავლებლებში პირველ საფეხურზე, ბაკალავრიატში ქართული ენის სწავლება. რა ფორმით მოხდება ეს ყველაფერი, ამას, რა თქმა უნდა, ხარისხის ცენტრი უნივერსიტეტებთან ერთად გადაწყვეტს” – აცხადებს განათლების, მეცნიერებისა და ახალგაზრდულ საქმეთა კომიტეტის წევრი ლადო ბოჟაძე.
ხოლო უნივერსიტეტებში ქართული ენის სწავლების აღდგენის თარიღად, განათლების კომიტეტის თავმჯდომარემ, გივი მიქანაძემ, 2025 წლის პირველი ოქტომბერი დაასახელა.