რუსთავში, ტბაში, სამი ადამიანის ცხედარი იპოვეს.
ცნობილი გახდა მათი ვინაობა – ისინი თელავის მუნიციპალიტეტის სოფელ ქვემო ხოდაშენში მცხოვრები გია ბურნაძე და მისი 11 და 13 წლის ბიჭები არიან.
როგორც თანასოფლელები ამბობენ, მამაკაცსა და მცირეწლოვან შვილებს ორი დღის განმავლობაში ეძებდნენ, სამართალდამცველებმა კი ისინი გუშინ, რუსთავში იპოვეს.
გავრცელებული ინფორმაციით, მამა, შვილებთან ერთად, სავარაუდოდ, სათევზაოდ, გარდაბანში იყო წასული.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.