პროდიუსერი კახა მამულაშვილი ქვეყანაში ეპიდემიოლოგიური ვითარების გაურესებას “ფეისბუქის” პირად გვერდზე ეხმაურება:
“წინასწარ ვხედავ როგორ ვითარდება მოვლენები… 15 გამოვალთ კონცერტზე, ალიბი არენაზე და მეორე დღეს იწყება ჩვენი მიწასთან გასწორება და წყევლა…
მემგონი ეს მატებაც რომ ვემზადებით მაგიტომ ხომ არ ხდება?
ამიტომ ყველაფერი ესტრადას დააბარალეთ, არაა პრობლემა
უკვე ამტანები ვართ,” – წერს მამულაშვილი სოციალურ ქსელში.
შეგახსენებთ, რომ 6 ოქტომბრიდან კონცერტებისა და ფესტივალების გამართვასთან დაკავშირებული შეზღუდვები მოიხსნა. გადაწყვეტილება უწყებათაშორისმა საკოორდინაციო საბჭომ მიიღო.
უწყებათაშორის საკოორდინაციო საბჭოსთან არსებული ოპერაციული შტაბის უფროსის, გიორგი ღიბრაძის განცხადებით, კონცერტებზე დასწრება რეგულაციების დაცვით იქნება შესაძლებელი.
ფესტივალების, გასართობი ღონისძიებების, კონცერტებისა და სპორტული შეჯიბრებების გამართვა 12 აგვისტოდან დღემდე სრულად იყო შეზღუდული.
12 ოქტომბრის მონაცემებით, საქართველოში კორონავირუსის 4 775 ახალი შემთხვევა გამოვლინდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
ქვეყანაში ბოლო 24 საათში 1 623 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 37 პაციენტი.
https://mix.metronome.ge/22324-2/