ქვეყანაში ეპიდემიოლოგიური ვითარების გაუარესებას ტელეწამყვანი ეკატერინე ფანგანი “ფეისბუქის” პირად გვერდზე ეხმაურება:
“ყველაზე მეტად მაღიზიანებდა სიტყვები “ჯოგური იმუნიტეტი”. ვინც ამას ამბობდა მეგონა (ახლაც მგონია) ადამიანთმოძულე, ბოროტი არსება. ერჩივნათ რომ არაფერი არ დაკეტილიყო, ეცხოვრათ, ეგულავათ და, სამაგიეროდ, ვინც გადაიტანდა კოვიდს, გადაიტანდა და ვინც არა დაიხოცებოდა. მაგრამ ახლა, როცა ამდენი აცრაა, უკვე ფუჭდება აცრები და მაინც არ იცრება ხალხი.
დღევანდელი მაჩვენებელი არის 4475 ინფიცირებული და 37 გარდაცვლილი!
მე აღარ მინდა მშიშარა, ჩამორჩენილი აზროვნების ან სრულიად უაზრო ადამიანების გამო ისევ სრულად დაკეტვა და შევიწროებული ცხოვრება!
უკვე ძალიან ბევრმა რამდენიმე თვის წინ გავიკეთეთ აცრები, აცრილმა ორსულებმა გააჩინეს ბავშვები, მოხუცები, ახალგაზრდები ოთხივე აცრით ავიცერით და ყველა კარგად ვართ, არ ამოგვივიდა არც რქები და არც კუდები, არც რობოტებად გადავიქეცით.
ანტივაქსერები ამბობენ, რომ მათი სადმე არ შეშვება არის ადამიანების დისკრიმინაცია! ჩვენ კი ვამბობთ, რომ თქვენს გამო, ჩვენ ცხოვრება აღარ გვაქვს და თქვენ ხართ საზოგადოებისთვის საშიშები!
კოვიდით გარდაცვლილების 99 % არის აუცრელი!
მაშინ იყოს ჯოგური იმუნიტეტი, ვინც გადაიტანს, გადაიტანს და ვინც საავადმყოფოშიც ვერ მოხვდება, პრეტენზიები მხოლოდ საკუთარ თავთან. მხოლოდ თქვენი პასუხისმგებლობაა ეს ყველაფერი.
მთავრობა, ექიმები, ჯანდაცვა, სისტემა.. ბლააა-ბლააა-ბლააა არ გავიგოთ
ნორმალური ცხოვრება გვინდა!,” – წერს ფანგანი სოციალურ ქსელში.
დღეის მონაცემებით, საქართველოში კორონავირუსის 4 775 ახალი შემთხვევა გამოვლინდა. ამის შესახებ ინფორმაციას დაავადებათა კონტროლის ეროვნული ცენტრი ავრცელებს.
ქვეყანაში ბოლო 24 საათში 1 623 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 37 პაციენტი.
https://mix.metronome.ge/22317-2/