რეჟოსორმა დავით დოიაშვილმა ვიკა ბუკიას გადაცემაში „პირველი ხაზი“ „ვასო აბაშიძის სახელობით ახალი თეატრსა“ და კულტურის სამინისტროს შორის კომუნიკაციის საკითხზე ისაუბრა.
„კომუნიკაცია გაფრთხილებაზე არ გვქონია, ორჯერ მოვიდა წერილი, სადაც გვთხოვდნენ, რომ დავბრუნებოდით ჩვენს მთავარ ფუნქციას. ამაზე გავგზავნეთ დიდი პასუხი, რომელზედაც პასუხი აღარც მოსულა. იმ პასუხში კარგად ავხსენით, თუ რის გამო არ ვთამაშობდით სპექტაკლებს. 12 სპექტაკლიდან 6-ში თამაშობდა ანდრო ჭიჭინაძე და რანაირად შეგვეძლო გაგრძელება. ერთადერთი კულტურის სამინისტროს ვთხოვეთ, დაგვხმარებოდა, რომ ეს ადამიანი გამოეშვათ, რათა გაგვეგრძელებინა მუშაობა, რადგან არ არსებობს დღეს საქართველოში მსახიობი, რომელიც ანდროს როლზე შევიდოდა“,- თქვა დოიაშვილმა გადაცემაში „პირველი ხაზი“.
შეგახსენებთ, ორი დღის წინ ცნობილი გახდა, რომ კულტურის სამინისტრომ დოიაშვილი „ახალი თეატრის“ ხელმძღვანელის პოზიციიდან გაათავისუფლა.
მიმდინარე აქციებისას დაპატიმრებული მსახიობი ანდრო ჭიჭინაძე, რომელსაც ჯგუფურ ძალადობას ედავებიან და 4-დან 6 წლამდე პატიმრობა ემუქრება, სწორედ „ახალი თეატრის“ დასის წევრია.