ისლანდიის დედაქალაქში მცხოვრები ქართველი ემიგრანტი სოციალურ ქსელში წერს, რომ მისთვის უცნობი პიროვნება დღეს თავს დაესხა. ინგა წიკლაურის ინფორმაციით, ქართულად მოსაუბრე მამაკაცმა სამსახურთან მიაკითხა, სახელით მიმართა და დაემუქრა. წიკლაური მომხდარს მის პოლიტიკურ შეხედულებებსა და “ოცნების” წინააღმდეგ აქტივობებს უკავშირებს:
“დღეს რეიკიავიკში, სამსახურში ეს კაცი დამესხა თავს უკვე რომ ვაპირებდი გასვლას შენობიდან: ქართულად მომმართა სახელით, ცხადია გავჩერდი და ვკითხე, დახმარება ხომ არ სჭირდებოდა, უცებ ეგრევე მუქარაზე და გინებაზე გადმოვიდა, ძალიან აგრესიულად იქცეოდა, მე ვუთხარი, რომ პოლიციას გამოვიძახებდი, ისევ აგრესიულად აგრძელებდა, თუმცა რომ გაიგო რომ კამერები გვაქვს და მართლა ვრეკავდი პოლიციაში, ცოტა გაჩერდა, თუმცა მაინც მაგინებდა მთელი იმ დროის განმავლობაში, სანამ პოლიცია მოვიდა , რომელიც მე გამოვიძახე.
ჩემი თანამშრომლები თავიდან ვერ გაერკვნენ, რადგან ქართულად მიმდინარეობდა ჩვენი შელაპარაკება და ვერ მიხვდნენ რაში იყო საქმე. თან საკმაოდ დიდი სივრცეა და ცოტა შორს ვიყავი ჩემი თანამშრომლებისაგან. სარჩული-პოლიტიკურია, რადგან გამოეკიდნენ პოსტებს და აქტივობას რომელიც ქოცების ეგრედწოდებული მთავრობის წინააღმდეგ არის მიმართული, ერთი პოსტის გამო, 2024 წელს, მირეკავდნენ ერთი კვირის განმავლობაში და მემუქრებოდნენ, შემდეგ მომიგზავნეს ორჯერ ორი ქართველი კაცი და ერთმა ონლაინ გამირჩია საქმეები, მეორემ -ტელეფონით. შემდეგ კიდევ პოსტებზე დამესხნენ თავს ემიგრანტების ჯგუფში, როცა ელჩის დუმილის წინააღმდეგ შევიტანეთ პეტიცია. თუმცა დღეს დამემუქრა ეს კაცი და მითხრა იცის სად ვცხოვრობ და ყოველთვის შემიქმნის პრობლემებს. ამის იდენტიფიცირება-არაა რთული.” წერს ინგა წიკლაური.