ჟურნალისტი, ვიკა ბუკია კულტურის მინისტრის მიერ რეჟისორ დავით დოიაშვილის “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გათავისუფლებას პირად გვერდზე ეხმაურება და კულტურის ახალი მინისტრის, თიკა რუხაძის ლევილში სტუმრობის ამსახველ ფოტოებს აზიარებს:
“მაინც რო იცოდეთ არაადეკვატურობის მასშტაბი. სანამ საუკეთესო რეჟისორი გააძევეს თეატრიდან თიკა რუხაძე გარემონტებულ ლევილს ათვალიერებს. ეს ის ლევილია, სადაც ბიუჯეტის ხარჯზე რეპეტიციებს გადიან ქოცი და მორჩილი მსახიობები. ამ ინოვაციური პროგრამით უკვე ისარგებლეს დმანისის თეატრის მსახიობებმა. ისინი 21 დღით, ბიუჯეტის ხარჯზე, საფრანგეთში იმყოფებოდნენ.”- წერს ვიკა ბუკია.
შეგახსენებთ, რომ კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. ამის შესახებ განცხადება საქართველოს კულტურის სამინისტრომ გუშინ გაავრცელა.