„ჭიათურა მენეჯმენტ კომპანი“ მზადაა, მიწისქვეშა სამუშაოები, კონკრეტული დათქმებით, მაისის შუა რიცხვებიდან აღადგინოს. განცხადება დღევანდელი სამმხრივი კომისიის შეხვედრის შემდეგ გაკეთდა.
დღესვე გაირკვა, რომ მაღაროელები კიდევ ერთი თვის ხელფასს აიღებენ.
კომისიას უახლოეს დღეებში გადაეგზავნება კონკრეტული გეგმაც, სადაც ის ნაბიჯები იქნება აღწერილი, რომლის გათვალისწინებითაც მაღაროელები სამუშაოებს დაუბრუნდებიან.
„ჭიათურა მენეჯმენტ კომპანიმ” ასევე გასცა პირობა, რომ სტრუქტურულ რეორგანიზაციას განახორციელებს. კომპანიასთან, რომელმაც კრიზისის გამო მუშაობა შეაჩერა, ახლა მოლაპარაკებებს სახელმწიფო და პროფკავშირები მართავს. სწორედ ამ სამმხრივ ფორმატის შექმნის შემდეგ გახდა შესაძლებელი, უზარმაზარი ფინანსური ზარალისა და დახურული წარმოების მიუხედავად, მაღაროელებისთვის ხელფასისა ჩარიცხვა.