აშშ-ის პრეზიდენტის პოსტის დატოვების შემდეგ, ჯო ბაიდენმა დუმილი პირველად დაარღვია და ჩიკაგოში გამართულ კონფერენციაზე, რომელიც შეზღუდული შესაძლებლობის მქონე პირთა უფლებებს მიეძღვნა, ტრამპის ადმინისტრაციის პოლიტიკა გააკრიტიკა.
მისი თქმით, მთავრობამ “გამანადგურებელი დარტყმა მიაყენა“ სოციალური დაცვის სისტემას.
“100 დღეზე ნაკლებ დროში ამ ახალმა ადმინისტრაციამ იმხელა ზიანი მოიტანა და ისეთი გამანადგურებელი აღმოჩნდა, რომ სუნთქვა გეკვრება,“ – აღნიშნა ბაიდენმა და თავის გამოსვლაში ისაუბრა იმაზეც, რომ “ამერიკელი ხალხი არასოდეს ყოფილა ასე გაყოფილი“.
“მხოლოდ 30 პროცენტია კმაყოფილი ამჟამინდელი მდგომარეობით, მაგრამ ამ 30 პროცენტს “გული არ აქვს“, – თქვა ყოფილმა პრეზიდენტმა.
სოციალური დაცვის სააგენტო უზრუნველყოფს პენსიების, ხანდაზმულობისა და ინვალიდობის შემწეობის გაცემას. ის დაახლოებით 67 მილიონ ამერიკელს ეხმარება და წელიწადში დაახლოებით 1,6 ტრილიონ დოლარს ხარჯავს.
ილონ მასკის მთავრობის ეფექტურობის დეპარტამენტმა (DOGE) სააგენტოს პერსონალის შემცირება თებერვალში დაიწყო. იგეგმება 7000-მდე ადამიანის გათავისუფლება.
სამშაბათს, დონალდ ტრამპმა ხელი მოაწერა აღმასრულებელ ბრძანებას, რომელიც უკრძალავს არალეგალურ ემიგრანტებს და „სხვა არაუფლებამოსილ“ პირებს სოციალური დაცვის გადასახადების მიღებას.
წყარო