„კოალიცია ცვლილებისთვის“ ლიდერი, ნიკა მელია 2021 წლის თებერვალში, თავისი დაკავების შესახებ, პარტია „საქართველოსთვის“ თავმჯდომარის, გიორგი გახარიას განცხადებას გამოეხმაურა.
„გახარია განაწყენდა ივანიშვილზე, რომ უკანონო გადაწყვეტილების აღსრულების პროცესში ივანიშვილმა აიღო სადავეები – თავისთავად, გახარია უკანონო გადაწყვეტილების მიღების და აღსრულების პროცესში იყო და ვერასოდეს გავიგებ, რატომ უნდა დავეკავებინე ვასილ მაღლაფერიძეს და რატომ უნდა შეეთანხმებინა პრემიერმინისტრს ჩემი დაკავება მაღლაფერიძესთან, აჭარის მთავრობის ხელმძღვანელთან, მაკა ბოჭორიშვილთან, სოზარ სუბართან დ ბევრ სხვა ადამიანთან – რა შუაშია, უბრალოდ?
[…] დადასტურდა, ყველა მნიშნელოვან გადაწყვეტილებას იღებდა თავად ივანიშვილი – უკანონო იყო თავიდან ბოლომდე პროცესი, უბრალოდ ამ პროცესში ივანიშვილმა აჯობა მას [გიორგი გახარიას]“, – თქვა მელიამ.
შეგახსენებთ, გახარიამ საგამოძიებო კომისიის სხდომაზე, სხვადასხვა თემასთან ერთად, მელიას დაკავების საკითხზეც ისაუბრა.
მან აღნიშნა, რომ მელიას დაპატიმრების პროცესის მართვის სადავეები ხელში ბიძინა ივანიშვილმა აიღო.