შინაგან საქმეთა სამინისტროს განსაკუთრებულ დავალებათა დეპარტამენტის ოპერატიული დაგეგმვის სამმართველოს ყოფილი უფროსი, ირაკლი შაიშმელაშვილი, ჩორჩანას საკითხის შესახებ, თეა წულუკიანის განცხადებას გამოეხმაურა.
„ჩორჩანა იყო ერთადერთი პრეცედენტი, როდესაც სახელმწიფომ დროული და პრინციპული რეაგირებით შეძლო საკუთარი ტერიტორიის დაცვა!
რას უნდა იძიებდეს თვითმარქვია კომისია:
1. გინტურის მკვლელობა – რატომ ვერ დაიცვა სახელმწიფომ საკუთარი მოქალაქე საოკუპაციო ხაზზე? (მკვლელებს რომ ვერ და არ დაადგენთ ეს ისედაც ცხადია)
2. საოკუპაციო ხაზიდან დაახლოებით 100 გატაცებული მოქალაქის საქმე – რატომ ვერ უზრუნველყოფს სახელმწიფო იმ ადამიანების დაცვას, რომლებიც მის მიერ კონტროლირებად ტერიტორიაზე ცხოვრობენ?
3. ე.წ. “მკვდარი ზონები” საოკუპაციო ხაზზე – რატომ არ ხდება მათი ეფექტური მონიტორინგი და გადაფარვა? ბოლო სამი წლის განმავლობაში მომზადებული ანგარიშები და ბრიფინგები რატომ (ან ვისი ინტერესით) იგნორდებოდა?
P.S. ქ-ნო თეა, მწყემსების და იმბეცილების შედგენილ ინფორმაციას ბოლომდე ნუ დაეყრდნობით მაინც 😂
ესე გააგრძელეთ – რუსეთი არ გააღიზიანოთ!!“, – აღნიშნავს შაიშმელაშვილი.
შეგახსენებთ, საგამოძიებო კომისიის სხდომაზე გახარია ტერიტორიების დაკარგვაში დაადანაშაულეს.
წულუკიანის თქმით, შინაგან საქმეთა მინისტრობის დროს, გიორგი გახარიას სახელმწიფო უსაფრთხოების სამსახური არ გაუფრთხილებია ჩორჩანასთან საგუშაგოს გახსნის შესახებ.