„ქართული ოცნების“ ერთ-ერთი ლიდერი, მამუკა მდინარაძე მედიასთან გამოეხმაურა ტელეკომპანია „ფორმულას“ მიერ გავრცელებულ ინფორმაციას, რომლის მიხედვითაც, მდინარაძე შს მინისტრის თანამდებობაზე ვახტანგ გომელაურს ჩაანაცვლებს.
„მე გეტყვით, რომ ჭორებს ნუ აჰყვებით, ძალიან გთხოვთ. არსებობს ასეთი ტელევიზია “ფორმულა”, რომელიც არის ერთ-ერთი ყველაზე ჭორიკანა ტელევიზია, მეც გამიგია ეს ჭორები და “ფორმულამ” ეს ჭორი კიდევ უფრო განავრცო. მთელი პასუხისმგებლობით გეუბნებით, რომ ეს არის ჭორი, რომელსაც გაგრძელება არ ექნება“, – თქვა მდინარაძემ.