პარტია „საქართველოსთვის“ წევრმა, ზაზა თავაძემ საგამოძიებო კომისიის გუშინდელ სხდომაზე ამავე პარტიის ლიდერის, გიორგი გახარიას გამოსვლა შეაფასა.
„მე ვფიქრობ, რომ ეს იყო ერთი ცალკე აღებული გამბედავი, პასუხისმგებლიანი პოლიტიკოსის ნაბიჯი, რომელმაც შემოიყვანა თამაშში ხალხო ბიძინა ივანიშვილი და მე პირდაპირ გეტყვით, რომ აქციებზე ყოფნისას და სხვადასხვა დისკუსიებში ყოფნისას, ბევრი ადამიანი პირდაპირ მეუბნებოდა, რომ ჩვენ ვართ თქვენი მხარდამჭერები იმ შემთვევაში, თუ გიორგი გახარია იტყვის რატომ გადადგა და 20 ივნისს ვინ გასცა ბრძანება რეზინის ტყვიების გამოყენებაზე. შესაბამისად ეს კითვები საზოგადოებამ მიიღო და ახლა თქვენ თუ მეუბნებით, რომ იქ ვიღაცა ვიღაცას რაღაცას დაპირდა და ამიტომ არ უნდა მისულიყო გიორგი გახარია – ბოდიში რა. “ოცნება” დამარცხებულ იქნა საკუთარ მოედანზე. ამ კომისიას ფაქტობრივად დაესვა წერტილი, ეს კომისია გუშინდელი დღის მერე არის ქმედუუნარო და იმპოტენტი, შესაბამისად, ის ჰიბრიდული პროპაგანდა და ომი, რაც ხორციელდებოდა ჩვენი თანამოქალაქეების წინააღმდეგ, ეს შეჩერდა. ახლა საზოგადოებამ განსაჯოს – გახარია მოიქცა, როგორც პასუხისმგებლიანი, თანმიმდევრული და გამბედავი პოლიტიკოსი, თუ არა“, – ამბობს ზაზა თავაძე „ტვ პირველთან“.
შეგახსენებთ, ზემოაღნიშნული სხდომა 2019 წლის 20 ივნისსა და ასევე პრემიერობიდან გახარიას გადადგომის საკითხებს შეეხო.