დღეს, 15 აპრილს, 23:00 საათზე, ჩემპიონთა ლიგის 1/4-ფინალური ეტაპის განმეორებით მატჩში, ქართველი ვარსკვლავის, ხვიჩა კვარაცხელიას „პსჟ“ „ასტონ ვილას“ ესტუმრება.
შეხვედრის წინ, კომენტარები პარიზული კლუბის მთავარმა მწვრთნელმა, ლუის ენრიკემ და ერთ-ერთმა ლიდერმა, უსმან დემბელემ გააკეთეს.
ენრიკემ ზოგადად გუნდის შესახებ ისაუბრა, დემბელემ კი კვარასთან ურთიერთობას გაუსვა ხაზი.
„ – კვარა გუნდში ძალიან კარგად მივიღეთ. პირადად მე მასთან კარგი ურთიერთობა მაქვს, ერთმანეთს ბევრ რჩევას ვაძლევთ, როგორც მოედანზე, ისე მის მიღმა … თავისი მორცხვი გარეგნობის მიღმა, ძალიან ხუმარაა“, – თქვა დემბელემ.
შეგახსენებთ, პარიზულ მატჩში „პსჟ“-მ „ასტონ ვილა“ 3:0 დაამარცხა. იმ შეხვედრაში ხვიჩამ ულამაზესი გოლი გაიტანა და იმ თამაშის საუკეთესო მოთამაშეც გახდა.