“ჩემი ჰორორია… ვერ ვშველი… ფოტოებსაც ვერ ვუყურებ – თამარ ჩერგოლეიშვილი

ბათუმში საცხოვრებელი კორპუსის ჩამონგრევის ფაქტს, “ფეისბუქის” პირად გვერდზე ჟურნალისტი თამარ ჩერგოლეიშვილი ეხმაურება:

“ჩემი ჰორორია, რომ ჩემი საყვარელი ადამიანები ნანგრევებში მოყვნენ და ვერ ვშველი.
ყოფილა შემთხვევა, ისე ამიკვიატებია – კესოც, და მანამდე კატოც, თავისი საძინებლიდან გამომიყვანია, რომ დაინგრეს მარტო არ მოყვეს- მეთქი.
ბათუმის ფოტოებსაც ვერ ვუყურებ.
ღმერთო!,” – წერს ჩერგოლეიშვილი სოციალურ ქსელში.

ბათუმში, 26 მაისის ქუჩაზე საცხოვრებელი კორპუსის ნაწილი დღეს ჩამოინგრა. სამაშველო ოპერაცია რამდენიმე საათია გრძელდება.  კორპუსის ნანგრევებში მოყოლილი მანქანიდან მცირეწლოვანი ბავშვი ამოიყვანეს და გადაიყვანეს კლინიკაში. ამასთან, ცოტა ხნის შემდეგ, მაშველებმა კორპუსის ნანგრევებიდან კიდევ ერთი ბავშვი ამოიყვანეს.

შსს-ის ინფორმაციით, კორპუსის ნგრევის ფაქტზე დაწყებულია გამოძიება და ზუსტდება ინფორმაცია დაშავებულების შესახებ.

აჭარის საპატრულო პოლიციის სამმართველოს უფროსის განცხადებით, ადგილზე მიმდინარეობს ინტენსიური სამაშველო სამუშაოები, მეზობელი რეგიონებიდან კი, დამატებითი ძალები მობილიზდება.

https://mix.metronome.ge/%e1%83%93%e1%83%98%e1%83%93%e1%83%98-%e1%83%91%e1%83%94%e1%83%a2%e1%83%9d%e1%83%9c%e1%83%98%e1%83%a1-%e1%83%a5%e1%83%95%e1%83%94%e1%83%a8-%e1%83%95%e1%83%90%e1%83%a0-%e1%83%9b%e1%83%9d/