მიმდინარე აქციებისას დაპატიმრებული აქტივისტის, საბა სხვიტარიძის დედა, ელენე ახობაძე მედიასთან კომენტარს აკეთებს.
მისი თქმით, „ქართულმა ოცნებამ“ ურჩხულები გააღვიძა.
„ოცნებამ“ და ამ ურჩხულებმა გააღვიძეს ურჩხულები. თავის დედებს ჰკითხონ, თავის მეუღლეებს ჰკითხონ – გაბრაზებული დედა ურჩხულზე ძლიერია. ვერ დაგვამარცხებენ, ყველაფერს დავეტაკები და გადავცემ ამათ, რომ ტოქსკოპულოს როლს ნუ ასრულებენ და კარგად გაითავისონ დედის სიძლიერე. ვერ მოგვერევიან.
არ ყოფილა პრეცედენტი, რომ, როდისმე ვინმეს, რომელიმე ხელისუფლებას მოეგო ბრძოლა. აუცილებლად დავამარცხებთ ამ ურჩხულ მანქანას“, – ამბობს ელენე ახობაძე.
შეგახსენებთ, საბა სხვიტარიძეს 353-ე პრიმა მუხლის მეორე ნაწილით ჩადენილ დანაშაულს ედავებიან, რაც გულისხმობს პოლიციელის ჯანმრთელობის ხელყოფას მისი სამსახურებრივი მოვალეობის შესრულების დროს.
ამ ბრალდებით მას 7-დან 11 წლამდე პატიმრობა ემუქრება.