“ტვ პირველის” ინფორმაციით, იდენტიფიცირებულია “ოცნების” ტიტუშკების ნაწილი, ვინც დღეს რუსთაველის გამზირზე მიაგზავნეს.
განსაკუთრებული აგრესიით გამოირჩეოდა ლაშა ჯანგიძე, ის ყოფილი ფეხბურთელი და სავარაუდოდ, “ოცნების” ტიტუშკების ერთ-ერთი წარმომადგენელია. ჯანგიძე რუთაველზე არა მხოლოდ იგინებოდა, არამედ პროვოკაციული ჟესტებით აქციის მონაწილეების წყობიდან გამოყვნას ცდილობდა და ქალებს აფურთხებდა. განსაკუთრებული აგრესიის მსხვერპლი იყო სინდისის პატიმრის, ზვიად ცეცხლაძის დედა.
რუსთაველზე “ტიტუშკები” იყვნენ საქართველოს ტექნიკური უნივერსიტეტიდანაც. რექტორ დავით გურგენიძის დაცვის ფუნქციას ასრულდებდა ირაკლი გუგუშვილი – “პირველების” ინფორმაციით ის “ოცნების” ახალგაზრდული ორგანიზაციის წევრია. მის გვერდით იყო მიხეილ აბჟანდაძე და თორნიკე თუთაშვილი.
დღეს ორმაგი მისია ჰქონდა ერეკლე გაგნიძეს, მან ჯერ რექტორი დაიცვა, შემდეგ კი საგანგებო მისიით ირაკლი კობახიძეს დასაცავად სამებაში გამოჩნდა.
პრემიერს სამებაში ზურგს ცნობილი “პლედებიანი ტიტუშკებიც” – თედო ბიტბუროვი და საბა გორგოძე უმაგრებდნენ, რომლებიც რამდენიმე თვის წინ სალომე ზურაბიშვილს ლაზერს ანათებდნენ.
კობახიძეს დასაცავად იდგა სამებაში ნიკოლოზ მელიქიშვილიც. ტიტუშკა ოცნების დანაყოფიდან, რომელიც მოქალაქეებს თსუ-თან და მერიის მოწყობილ საახალწლო სოფელში ფიზიკურად უსწორდებოდა.
