უკრაინის ავტოკეფალური ეკლესიის მღვდელ-მონაზონმა, ლეონ გელოვანმა სოციალურ ქსელში 9 აპრილთან და ზოგადად, საქართველოში რუსულ აგრესიასთან დაკავშირებით, პოსტი გამოაქვეყნა.
„უცხოური ძალა კი არა, რუსეთი და მხოლოდ რუსეთია ის ძალა, რომელიც უკანასკნელი საუკუნეებია არის ბოროტების, სიბნელისა და ყოველგვარი ცუდის მომტანი საქართველოსთვის.
რუსეთი და რუსეთისმოყვარე ქართველობაა ის ძალა, რომელმაც დახოცა უამრავი ადამიანი ჩვენს ქვეყანაში, ძალა, რომელმაც შებილწა საქართველოს ეკლესია, ძალა, რომელმაც ფეხქვეშ გათელა ქართული კულტურა, მაგრამ ძალა, რომელმაც ვერაფრით შეძლო 9 აპრილის მსგავსი გმირების ძირს დაცემა, დადუმება, გაქრობა.
ეს მიზანი რუსეთსა და მის მოყვარეთ დღესაც დაუოკებლად აქვთ, მაგრამ დღესაც მარცხდებიან. მარცხდებიან გმირულ სიკვდილთან, გმირულ სისხლთან, გმირულ თავდადებასთან.
დღესაც, რუსეთის ყოველი მოყვარე, ასევე ყოველი, შეგნებით თუ შეუგნებლად მისი საქმის გამკეთებელი, მონაწილეა ყველა იმ სისხლისღვრის, რომელიც ამ ბოროტების ხელით მოხდა ჩვენს ქვეყანაში“, – წერს ის.