აშშ-ის უზენაესმა სასამართლომ ნება დართო დონალდ ტრამპის ადმინისტრაციას, გამოიყენოს ომისდრონდელი „უცხო მტრების აქტი“ კრიმინალური დაჯგუფებების სავარაუდო წევრების სწრაფი დეპორტაციისთვის.
ტრამპმა ზემოაღნიშნულ გადაწყვეტილებას ამერიკაში მართლმსაჯულებისთვის დიდი დღე უწოდა.
„უზენაესმა სასამართლო მხარი დაუჭირა კანონის უზენაესობას ჩვენს ქვეყანაში და ნება დართო პრეზიდენტს, ვინც არ უნდა იყოს ის, ჰქონდეს შესაძლებლობა, უზრუნველყოს ჩვენი საზღვრების უსაფრთხოება და დაიცვას ჩვენი ოჯახები და თავად ჩვენი ქვეყანა“, – დაწერა მან თავის სოციალურ ქსელ Truth Social-ში.
ამასთან, უზენაესი სასამართლოს მოსამართლეებმა განაცხადეს, რომ მიგრანტებს უნდა მიეცეთ დეპორტაციის გასაჩივრების საშუალება და მათ დეპორტაციის შეტყობინება გონივრულ ვადებში უნდა მიიღონ.