ჟურნალისტი ვახო სანაია “ფეისბუქის” პირად გვერდზე მიხეილ სააკაშვილის საქართველოში ჩამოსვლისა და დაპატიმრების საკითხს განიხილავს:
“სააკაშვილის ჩამოსვლაში ხუთ რამეს გამოვყოფდი :
– მიხვიდე იმ ადგილზე, რომელიც ყველაზე მეტად გიყვარს – ბათუმი
– ოდისევსივით იმოგზაურო შინ დასაბრუნებლად – უკრაინა, ზღვა, ისა, ესა
– დაგეხმარონ ადამიანები, რომ შინ დაბრუნდე – ის მეგრელები
– მაგიდაზე გედოს ის საჭმელი, რაც უცხოეთში მყოფ ქართველებს ყველაზე მეტად ენატრებათ – ხინკალი
– ქალი, რომელიც დაპატიმრების მერე საქართველოში ჩამოსვლას აპირებს
მეტი კი არაფერია ცხოვრება.
ამ კონკრეტულ ეპიზოდს მიშა უგებს ბიძინას. არა აქვს მნიშვნელობა, ვინ ზის ციხეში და ვინ – შუშის სასახლეში, ” – წერს სანაია სოციალურ ქსელში.
მიხეილ სააკაშვილმა 1-ელ ოქტომბერს სოციალური ქსელში მეშვეობით მიმართვა გაავრცელა და თქვა, რომ უკვე საქართველოში იმყოფებოდა. მოგვიანებით მან 2 ვიდეო გამოაქვეყნა.
მმართველი გუნდი აღნიშნულ ფაქტს მთელი დღის განმავლობაში უარყოფდა და ირწმუნებოდა, რომ ყოფილ პრეზიდენტს საზღვარი არ გადმოუკვეთავს. საღამოს კი პრემიერ-მინისტრმა ირაკლი ღარიბაშვილმა საზოგადოებას ამცნო, რომ მიხეილ სააკაშვილი დაკავებულია.
ამასთან, მიხეილ სააკაშვილის მიერ საზღვრის უკანონო კვეთის ფაქტზე შინაგან საქმეთა სამინისტროში გამოძიება სისხლის სამართლის კოდექსის 344-ე მუხლით მიმდინარეობს.
https://mix.metronome.ge/22095-2/