გიორგი ჩიკვაიძე საპატიმროდან წერილს აქვეყნებს და მოქალაქეებს მოუწოდებს, ხვალინდელ აქციაზე პატიმრების მშობლებს შეურთდნენ.
ჩიკვაიძე წერილში საუბრობს ჯანმრთელობის მდგომარეობაზე და წერს, რომ მიუხედავად მძიმე მდგომარეობისა, არ აპირებს შიმშილობა შეწყვიტოს.
“ხარებას გილოცავთ მეგობრებო! ხვალ, 8 აპრილს დაანონსებულია აქცია ჩვენი მშობლების მეთაურობით, ყველას გთხოვთ, რომ დადგეთ ჩვენი მშობლების გვერდით, რადგან ამ მომენტისთვის ჩვენ ეს არ შეგვიძლია.
დღეს შიმშილობის 27-ე დღეა, ჩემი ჯანმრთელობის მდგომარეობა კვლავ მძიმე და უცვლელია.
ეს შიმშილობა არ შეწყდება მიუხედავად იმისა, რომ ბევრი თქვენგანის მოწოდებაა, რომ შევწყვიტო.
ეს ჩემი პრინციპული და საპროტესტო გადაწყვეტილებაა.
განსაკუთრებით მინდა მოვიკითხო ყველა სინდისის პოლიტპატიმარი, გამძლეობას ვუსურვებ ბიჭებს.
აქ სულ რამდენიმე მეტრი გვაშორებს ერთმანეთს.
ყოველ დღე ვლოცულობ თქვენთვის და საქართველოსთვის. ძალა ერთობაშია! გავიმარჯვებთ სახელოვნად!”-წერს ჩიკვაიძე
შეგახსენებთ, რომ გიორგი ჩიკვაიძეს დიდი ოდენობით თანხის უკანონოდ მითვისებისთვის პატიმრობა შეეფარდა.
დაკავების შემდეგ მან შიმშილობა გამოაცხადა. ის 27-ე დღეა შიმშილობს.