პროკურატურამ თავდაცვის ყოფილ მინისტრს, ირაკლი ოქრუაშვილს ბრალი წაუყენა.
ბრალის წარდგენის შემდეგ, მან მედიასთან პირველი კომენტარი გააკეთა.
„სწრაფი წესით წარმიდგინეს ბრალი. იმედი მაქვს, ბადრი ჯაფარიძისა და მამუკა ხაზარაძისგან განსხვავებით, პატარა ფასდაკლებას გამიკეთებენ“, – განაცხადა ოქრუაშვილმა.
შეგახსენებთ, საუბარია 349-ე მუხლზე, რაც „პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს და ითვალისწინებს ჯარიმას ან ერთ წლამდე პატიმრობას.
თავდაცვის ექსმინისტრი „ნაციონალური მოძრაობის“ ხელისუფლების საქმიანობის შემსწავლელი დროებით საგამოძიებო კომისიის სხდომაზე არ გამოცხადდა.