ინდიგოს ჟურნალისტს, რომელიც გუშინ, პოლიციისადმი დაუმორჩილებლობის ბრალდებით დააკავეს, იზოლატორში ყოფნის ვადა გაუხანგრძლივეს, – ინფორმაციას “ინდიგოს” დირექტორი, ნატა ძველიშვილი ავრცელებს.
“ახლა გავიგეთ, რომ საბას გაუგრძელეს იზოლატორში ყოფნის ვადა. როდის იქნება სასამართლო, ამასაც წინასწარ არავინ ამბობს, ესეც შემთხვევით უნდა გავიგოთ”. – წერს ნატა ძველიშვილი.
ცნობისთვის, “ინდიგოს” ჟურნალისტი საბა სორდია 6 აპრილს შსს-მ პოლიციისადმი დაუმორჩილებლობის მუხლით დააკავა.