მწერალი, ჟურნალისტი დათო გორგილაძე სოციალურ ქსელში თბილისის მუნიციპალიტეტის მულტიფუნქციური ბიბლიოთეკების გაერთიანების დირექტორის პოზიციიდან ნინია მაჭარაშვილის გათავისუფლებას ეხმაურება.
„ნინიას გათავისუფლების წერილმა (რომელშიც კომედიური ჟანრის სისულელე და გალაქტიკური მასშტაბის ტყუილი წერია) 5 ადამიანის ხელში გაიარა.
ამათგან სამს კარგად ვიცნობ.
ორს უწინ მეგობარი ერქვა.
გეტყვით, რა მოხდება:
“ქართული ოცნება” რომ ქართველ ხალხთან ბრძოლას წააგებს, შავი საქმის მკეთებლები დაიწყებენ თავის უდანაშაულოებად წარმოჩენას, რომ ჩვენ “რომ არა, იციით … ჩვენ არასდროს… ჩვენ პირიქით…”
ჰოდა, არ გამოგივათ ეგ.
მაგის გარანტიას მე გაძლევთ, რომ პირადად თქვენი მამხილებელი ვიქნები სანამ ცოცხალი ვარ.
და რომ აღარ ვიქნები, მაგ დროისთვის წინასწარ დავიჭერ თადარიგს, რათა თაობიდან თაობას“, – წერს გორგილაძე.