გუშინ სურსათის ეროვნულმა სააგენტომ ინფორმაცია გაავრცელა, რომლის თანახმადაც, იმპორტირებული რძის 5 ნიმუშში აფლატოქსინ M1-ის გადაჭარბებული ოდენობა დაფიქსირდა.
აღნიშნულთან დაკავშირებით, დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა, პაატა იმნაძემ, გააკეთა განცხადება. მისი თქმით, „აფლატოქსინების ის რაოდენობა, რაც “სოფლის ნობათის” რძის ნიმუშებში გამოვლინდა, მწვავე მოწამვლას ვერ გამოიწვევს“.
ამ განცხადების გამო, ცოტა ხნის წინ, ჟურნალისტმა ნანუკა ჟორჟოლიანმა სოციალურ ქსელში პაატა იმნაძის ფოტო გამოაქვეყნა და დაწერა:
„ასე გამოიყურება კორუმპირებული მკვლელი. ფულის გამო ყველაფერზე წამსვლელი ადამიანი“.