„ეს იქნება გზა აშშ-ის მოქალაქეობისკენ“ – რას სთავაზობს დონალდ ტრამპი იმიგრანტებს?

აშშ-ის პრეზიდენტს, დონალდ ტრამპს შტატებში მყოფი მდიდარი ემიგრანტებისთვის შეთავაზება აქვს.

ტრამპის თქმით, აშშ გაყიდის „ოქროს ბარათებს“, რომლის ღირებულება დაახლოებით 5 მილიონი დოლარი იქნება.

„იცით, ეს რის ბარათია? ეს არის ოქროს ბარათი, ტრამპის ბარათი. 5 მილიონ დოლარად, ეს შეიძლება თქვენი იყოს…

ვაპირებთ, გავყიდოთ ოქროს ბარათი. მწვანე ბარათი გაქვს. ეს არის ოქროს ბარათი. ჩვენ ვაპირებთ, ამ ბარათს ფასი, დაახლოებით, 5 მილიონი დოლარი დავადოთ. ეს მოგცემთ მწვანე ბარათის პრივილეგიებს. გარდა ამისა, ეს იქნება გზა მოქალაქეობისკენ. ამ ბარათის შეძენით, ჩვენს ქვეყანაში მდიდარი ადამიანები შემოვლენ“, – განაცხადა ტრამპმა.

აღსანიშნავია, რომ „ოქროს ბარათზე“ თავად ტრამპია გამოსახული.