“დილის ეთერი იყო და შუადღემდე მჯეროდა, რომ ყველაფერი სწორად მქონდა ნალაპარაკევი. მაყურებლის გარკვეულმა ნაწილმა გადაწყვიტა, რომ ინგლისური არ ვიცი. Freedom ვთარგმნე “მშვიდობად”. ვიცი რასაც ნიშნავს. Freedom არის თავისუფლება და ჩემი მთავარი მესიჯი რა თქმა უნდა, არის თავისუფლება” – ამბობს მომღერალი მარიამ შენგელია გადაცემაში “დიდი ქვიზი”.
ცნობისთვის, მარიამ შენგელია, 2025 წლის “ევროვიზიის” სიმღერის კონკურსზე საქართველოს სახელით იასპარეზებს.
მომღერალმა 24 მარტს საზოგადოებრივი მაუწყებლის ერთ-ერთ გადაცემაში სიმღერის გზავნილთან დაკავშირებით ისაუბრა, რასაც საზოგადოების ნაწილის მხრიდან აჟიოტაჟი მოჰყვა.
“ჰო, მესიჯი, ნუ, რა თქმა უნდა, ცხადია არის “მშვიდობა”, Freedom ჰქვია სიმღერას და, შესაბამისად, ნათელი და ცხადია, რომ ეს არის ძალიან დიდი მესიჯი”, – თქვა მარიამ შენგელიამ.